غزل
مرة
على المتي
دعتني
بالتمام
حتى
ندردش بالحكي
شوية كلام
القرعة عطتني شربتها بسرعة قوام
ومامسحتها وشربت فهمت العلام
اتطلعت فيها بقصد تطليعة حرام
زيادة عطتني بهيك نظرة اهتمام
ومابين قرعة تروح والثاني تجي
ضاعوا
القراعي
ونقزوا ديوك
الحمام
ياولف
من كثر الحلا
الفيك انشهر
الله
عاطيك وصرت
ملفت للنظر
عيونك سحر وجهك بدر شعرك درر
وتاخبرك مني بمفيد المختصر
الارض اللي فيها ساكن الوجه الجميل
لا الشمس بدها بعد او بدها القمر
حبك بقلبي ياحياتي منبني
وفيي التمني هب من باني وبني
ومارد غرامي قبل ماعرشو بني
تحول وسادة وقال في حلمو الهني
اول ماريتك زهور السوسني
وكنلك نحل الرضاب اجنيلك جني
وريتك اميرة وكل مارد ينحني
قبالك يأديلك تحية سلطني
وآخر ماياريتك سوا انت وأنا
بزرين عشنا بحبة الأكي دني
وطنيات
ياموطني لبنان يااجمل بلد
متلك متل كوكب على الارض انولد
شعبك شعب جبار في عندو جلد
عندو
التسامح قلبو
كهلو من الولد
من هيك بدي صورك صورة قلد
بعكس الدني خلقان تاريخك خلد
جبالك رؤوس وكل وادي فيك روح
وأرزك قلب ع شمالك الفيك اتلد
علم الحضارة والعلم والمعرفة
متحف
جميل الكونك
بالعاطفة
وأعطى الجنة من حلاك مناصفة
وبالرغم ماعليك الأعادي قاصفة
وريح الطمع بالفيك هبوا عاصفة
ضليت عم تخلق رجا من المستحيل
وتعطي الشرق والكون كلو فلسفة
مُتفرقات
ياشعر مهما تغيب بالعصر الأخير
باقي متل ما مّخلد الأرز الكبير
ومهما يقلوا الجمهروا الحفلة كثير
ومعنى كلامك هاجموا العصر الاخير
لاتخاف عمارك طلع ع منبرو
فارس ع مهرو وللزجل طالع أمير
*****
انجينا
بعمق الشعر
ياصاحب نفوت
ونصيغ سكب
شعر تيجان
وياقوت
لولا
بيوت الشعر
حولنا
حجــــــــار
ماضل في
انسان ماعندو
بيوت
**********
ياشعر
لو مليون حبك ع
الــــــــــهدا
معهم انـــا
رح حبك
وكيد العدا
ولو
شخص واحد بس
حبك ع الــمدا
عمار رح
بيكون
تايزيدك هدى
ولوما
لقيت شي شخص
بيحبك منيح
تأكــد بإني
متت مش باقي
حدا
*********